يالعنيو اللي ما يسطرك بنعال حتى يعلمك الغزل يا بهيمة

البارحه جاني من :: الحب :: مرسـالـ
من عقب مـا بينـي وبينـه" خصيمـه "
وانا ترى في الحب مانيـب :: فعّـال ::
ولا بعـد " ولّـع " بقلـبـي هشيـمـه
ولا بعد غنّيـت فـي ساعـة " وصـال "
ولا بعـد ذقـت " الفـراق " وجحيـمـه
ولا جرى دمعي على الخـد :: همّـال ::
ولابعـد جربـت " مــرّ " الهزيـمـه
حتى وردني تالـي الليـل :: جـوال ::
وانا علـى شاهـي " وبسكـوت ديمـه "
الرقم _ بايخ_ لكن الصـوت _ قتـال_
كنه مثـل صـوت المذيعـة " حليمـه "
قالت : مساء الخيـر يـا طيّـب الفـال
قلـت : ارحبـي ترحيبـةٍ مستديـمـه
بالعود " والصفـريـ" ودلـة " وفنجـال
واجبك يا : بنـت الأصـول الكريمـه :
ردت بضحكة ثم قالـت : وش الحـال..؟
قلت : اشهد إن الحـال عقبـك سقيمـه
قالت : وهي تضحك بعد مثل " الأطفـال "
وانـا بعـد كنـي بدونـك " يتيـمـه "
من يـوم قالتهـا : تزلزلـت زلـزال :
من فجعتي كنـي مسـوي :: جريمـة ::
قلت : ارفعي صوتك ترى مابه " ارسال "
" كـذاب " لكـن المصيـبـة عظيـمـة
قالت : أقول اسمع تـرى هرجنـا طـال
ممكن تصاحبنـي ترانـي وسيمـه ..؟؟!
واسمي الحقيقي أول حروفه :: الـدال ::
لكـن يسمّونـي البنـات " الزعيـمـه :
صحيح أحب الفخفخة و : اعشق المال :
لكـن ترانـي : طاهـرة مستقيـمـة :
ما عندي امغـازل ولا _لعـب جهّـال _
ما عندي إلا في " الشرف " و " الحشيمة "
بس الصراحة :: قلبي :: لشوفتـك مـال
واصبحت وحدك جالسٍ في::صميمـه ::
فكّر بعقلـك واتـرك : القيـل والقـال :
واحذر تطيع اهـل : العقـول العقيمـة :
وارسل علي الحين " خمسميـة ريـال "
أشحـن بهـا جـوال أختـي " غنيمـه "
أو" طقم غالي " فيـه خاتـم وسلسـالـ
أروح بـه فـي : عـرس ولاّ عزيمـة :
قلت : الحقيقـة مانيـب رجـل أعمـال
ولآنـي بتاجـر والـمـوارد عديـمـة
أنـا الصراحـة شبـه : عطّـال بطّـال:
وعلاقتـي بالفقـر جــداً " حميـمـة "
والراتب الله : يرحـم الحـال : مـا زال
محدود والمصروف ربـي :: عليمـه ::
: والديـن بـالآلاف : والبنـك شـغّـال
ياكل : فلوسـي بالربـا " و "الظليمـة :
و" السوق طايح " والغـلا ضيّـق البـال
والمـوت والله صايـر اكبـر" غنيمـة "
قالـت: تحمّـل بـس والحمـل ينشـال
خلك شديد البـاس : صلـب العزيمـة :
ياخي تصرّف جعلـك تصيـر " نشّـال "
أهـم شــي إن" النـوايـا سليـمـة "
لابـد تفهمنـي علـى كـل الأحــوال
ما دمت من أهل :: العقـول الفهيمـة ::
قلت: إيه والله فاهم اللـي علـى البـال
لكن تـرى هـذي علينـا :: قديمـه ::
يـا بنـت هـذا صايـر اليـوم مـوال
للي تبي تلعـب علـى " ابـن اللئيمـه "
يا بنت ما تدرين كم فيـه :: محتـال ::
يلعب على الحبليـن وانتـي " غشيمـة "
يا بنت كم من "جاهلـة " دمعهـا سـال
من عقب ما جـات العواقـب" وخيمـة "
والبنت لا اقفى عرضها بيد :: الأنـذال ::
والله مــا يبـقـى لـهـا أي قيـمـه
قالـت : تبـي ولاّ فخلّـك علـى جـال
مهـوب ناقـص نصـايـح " حكيـمـة
عز الله إنـك للأسـف منـت :: رجّـال
وانك : قليل الـذوق مـا فيـك شيمـة :
يا لعنبـو اللـي مـا يسطّـرك " بنعـال
حتـى يعلمـك " الغـزل " يـا " بهيمـه