فيتامين وااااااو

فيتامين واو



بسم الله الرحمن الرحيم



نبدأ معكم ببسمله تعطر لكم أفهواهكم وتكسبكم الحسنات بإذن الله ..

( فتامين واو )

(فتامين واو ) هي إختصار لكلمة واسطه ..
وقيل لها فتامين لأنها تزيد من معدل إمتيازك عن الأخرين ...
ماهي الواسطه ؟
الواسطه تساعدك على إجتياز إمور عده كانت إلزاميه ..
الواسطه تقدمك على بعض الأشخاص كان لابد أن تأتي بعدهم ...
الواسطه تسقط عنك إمور كانت تمشي عليك وعلى غيرك ..
بإختصار الواسطه هي وسيلة بعض الأشخاص العاجزين عقليا ..
وتفسيري للعاجز العقلي ليس صاحب التفكير المتأخر .. إنما لأصحاب الفكر المريض ..

فنبدا من عند طلابنا المتفائلون بعد المرحله الثانويه ..
يتقدمون على التخصصات المرغوبه ..
فهذا يريد الطب وهذا الهندسه وهذا الحاسب ومنها من تخصصات ...
تجد لديهم النسب المطلوبه لتلك التخصصات لكن منحصره على عدد معين من الطلاب ..
فنجد من كل جامعه عده من الطلاب لم يتم قبولهم وإقدام غيرهم هم أقل مستوى منهم لذالك التخصص فنستغرب ماذا يحدث !!
معي نسبه + معي همه = معي حق ..
لكن عفوا عزيزي هل لديك ( فتامين واو ) ؟؟
لن يحدث إحباط لن يحدث غضب لن يحدث تكدر للنفسيه لن يحدث ضياع ..
ونمضي بعدها تحت راية ( كل شي تمام ) .. ضاع مستقبل الولد وضاعت احلامه والأمر عادي ..

ومن ثم نأتي للسرقات ومخالفات المرور ..
ينسرق لك محل ينسرق لك بيت تنسرق سيارتك ..
تقدم بالبلاغ ويجي ( الأمن والأمان ) ويقولك (ترى مو أنت أول واحد ينسرق )
ولا يقولك ( أنت ملزم لأن الحين يبي يجي فلان ويقعد يعقب و و .. إلخ ) وماتدري الا تقول الله يستر عليكم ..
مايجيك إحباط أبد اذا هذا رد من الى راح ياخذون لك حق ..
وحتى لو إستمروا على هذا الحال وعقبوا على قضيتك ... كلها فتره والملف بالأرشيف ..
لكن عفوا عزيزي هل لديك ( فتيامين واو ) ؟؟
يعني لو تعرف العقيد الفلاني ولا فلان الفلاني تتوقع راح يغفلون عن قضيتك ؟
طبعا بعدها نمضي تحت راية ( كل شي تمام ) .. وضاع تعب عمري وضاعت دراهمي والأمر عادي ...
مخالفات المرور وطريقة التسيب فيها ..
يجيك يشوف نفس العائله .. ونفس الجماعه ...
خلاص رح وسلملي على فلان الفلاني ..
واذا سألته وراك مشيته .. ( هذا والله من الجماعه وعيب إني ما أخدمه ) ..
والى بعده ماتشوف الا ثلاث مخالفات أقل شي ...
تضليل .. عدم ربط الحزام .. عدم حمل الرخص .. ولو يقدر يزود زود ...
واذا قلت له تهاون معه قالك ( النظام نظام ) ..

وأيضا لانغفل عن الوظايف وطريقة التقديم ..
بعضهم يقعد من 5 الفجر إلى 12 الظهر علشان بس يعطا وجه بالتقديم ...
والثانين مجرد (ألو ) الساعه 5:30 علشان تحلا السواليف مع الشاهي (ترى بيجيك فلان مش إموره ) ..
وطبعا فلان ذا مامعه شهادات مثل الى قعد 7 ساعات علشان يعطا وجه ..
لكن عفوا عزيزي هل لديك ( فتامين واو ) ؟؟
ماضاع مستقبل الحريص أبد وما بدا يشتم ويدعي على من كان السبب أبد ..
ونمضي كالعاده تحت تلك الرايه ( كل شي تمام ) .. سببنا للرجال عجز بإدارة إموره الدنياويه والأمر عادي ..

جرائم الإغتصاب والتعدي على الأخرين ...
ما أكثر ماسمعنا من قضايا الإغتصابات سواء على شاب أم فتاة ..
بالعلن تنظر إلى الحده وعدم التسامح مع الفاعل ..
ويصدر الحكم ( السجن مؤبد ) ( السجن 15 سنه ) (السجن 10 سنوات )
ويختلف الأحكام .. لكن !!
بعد أربع سنوات تنظر إليه ( يتمخطر ) أمامك .. وش السالفه ؟!
والله الصراحه هالوقت وقت فتن ومعذور الحقيقه وبعدين ليه البنت تطلع بذاك الوقت ؟!
ولا الشاب ليه يمشي مع ناس أكبر منه ؟!
ومع تلك القناعات يحذفون خمس سنوات .. وتدخل بعض كبار الشخصيات .. وينحل الموضوع ..
وش نقول .. ( فيتامين واو ) تشتغل شغلها ..
لو المعتدى عليه يعرف فلان الفلاني مثل ماعشنا وشفنا سابقا ..
كان القصاص زي (السلام عليكم ) ..
ونمضي كالعاده تحت تلك الرايه ( كل شي تمام ) ..
المفعول به راح يشوف ذاك المعتدي وراح يتسبب له كم صدمه نفسيه هذا إذا ماكان ( يتلقف ) عليه مره ثانيه ..
لاحول ولا قوة بالا بالله ..
بعد ماكتبت .. سوف أترك لدي تعليق بسيط لأترك لكم المجال لتعليقاتكم ..
الواسطه في أمر ليس فيه مضره على الأخرين لا بأس بها ..
لكن محرمه اذا كان فيها أخذ حق من حقوق الاخرين مثل ماشفنا من مشاهد بالأعلى ...
لكن في النهايه ؟
ماتنفعنا تلك الواسطات ؟
ماتقدر تكدر لنفسك أعمالك وتنشئ نفسك بنفسك وتكون أنت واسطة نفسك ..
أنا ما أذكر بيوم إني بحثت عن واسطه ولا أمدح نفسي .. لكن يالله لك الحمد إموري ماشيه تدرون ليه ؟
لأني أبحث عنها عند العالي سبحانه وتعالى ..
لأني أنا بالأصل مسلم نفسي لما يكتبه علي ..
فما كان من خير فهوا دليل على مرضاته علي ..
وما كان من شر فهوا عقاب على ذنب إقترفته ...
بذكر لكم قصه حدثت معي .. وهي تدل على تسليم أمرك إلى الباري ...
أول ترم لي بالجامعه حملت ماده من أسهل المواد .. طبعا بالسنه التحضيريه ..
لا أنكر باد بي الحزن وخاصه نظرة بعض الناس لهذا الأمر ..
والترم الى بعده يالله لك الحمد ولا ماده لكن كان معدلي متدني شوي ..
وأنا كنت راغب بكلية الحاسب .. وتبغى معدل جيد ..
هل تعلمون من كان السبب بدخولي قسم الحاسب بعد الله سبحانه ؟
صادفت إن ماكانت عندي الإ تلك الماده وكانت فرصه إني أجيب فيها A+ ..
وخاصه إنها سهله ..
جبت يالله لك الحمد وقبلت بالحاسب ( طبعا كل واحد يباركلي عاد D: )
لكن هل إحتجت إلى واسطه ؟
الإمور سهله لو نشوفها من باب أخر غير باب الواسطه ..

قصه طريفه مع ال(فيتامين واو ) ..
قبل فتره كان عندي جهاز مكتبي الرام حقه ( 1gb ) وحبيت أزيد علشان يكون ( 2gb ) ...
العمليه مو صعبه فقط فك الكيس وتركيب الرام الثاني ..
ويمكن من عندهم خلفيه عن الحاسب يعرفون الشي هذا ..
طبعا وديته لمحل أعرف راعيه .. وكان مزحوم مع الفورمات الى بالأجهزه عنده ..
طبعا أنا جيته من باب إني أعرفه وإموري تبي تمشي على طول مع ديسكاوند يحبه قلبك D:
قلت له الى أبيه ... وقال خل الجهاز وتعال بكره وأبشر ..
طلعت أنا والمفروض إنه على طول يسويه لكن وقته ماكنت بحاجة الجهاز مره ..
دقيت من بكره .. قال ماعليش يامنصور والله زحمه لكن الليله ان شاء الله ..
جيت الليله .. وقالي بكره وجيته بكره .. طبعا جلست على هالحاله أربع أيام ...
بالأخير قعدت عنده من بعد الساعه 10 إلى 12 << إمحق واسطه ههههههههه
ويالله يالله سواها ..
قلت له المره الجايه برسل جهازي مع واحد علشان تسوي شغلك على طول هههههههه
نختم الموضوع من عند هنا ..
سبحانك لا إله الا أنت إني كنت من الظالمين فإن لم تغفرلي وترحمني لا أكون من الخاسرين ..

مشكوووووووووووووووووووووووةصدى الروح على هذه الفائدة عن فيتامين واااااااااااو